tay honge kis tarah ye maraahil kahaa na jaae - Shehzad Ahmed
tay honge kis tarah ye maraahil kahaa na jaae
is tiiragii men kyaa hai muqaabil kahaa na jaae
Khud de diye hain main ne use haath kaat kar
vo likh diyaa hai jo sar-e-mahafil kahaa na jaae
Showing posts with label Shehzad Ahmed. Show all posts
Showing posts with label Shehzad Ahmed. Show all posts
Sunday, 13 November 2011
samajh men ye nahiin aataa ki dil kii Khuu kyaa thii - Shehzad Ahmed
samajh men ye nahiin aataa ki dil kii Khuu kyaa thii
safar to aath pahar kaa thaa justajuu kyaa thii
vo aabashaar ke paanii sii tab'a rakhataa thaa
magar thake huye lahaje kii guftaguu kyaa thii
laut aaii tere lams se mahakii huii shaamen - Shehzad Ahmed
laut aaii tere lams se mahakii huii shaamen
phir aag lagaa dii terii saanson ne havaa
raqsaan hain isii lay pe sitaaren hon ki shabanam
kyaa sahar hai is dil ke dhadakane kii sadaa men
jal bhii chuke paravaane ho bhii chukii rusvaaii - Shehzad Ahmed
jal bhii chuke paravaane ho bhii chukii rusvaaii
ab Khaak udaane ko baithe hain tamaashaaii
taaron kii ziyaa dil men ik aag lagaatii hai
aaraam se raaton ko sote nahiin saudaaii
duub jaayenge sitaare aur bikhar jaayegii raat - Shehzad Ahmed
duub jaayenge sitaare aur bikhar jaayegii raat
dekhatii rah jaayengii aankhen guzar jaayegii raat
raat kaa pahalaa pahar hai ahal-e-dil Khaamosh hai
subah tak rotii huii aankhon se bhar jaayegii raat
ab na vo shor na vo shor machaane vaale - Shehzad Ahmed
ab na vo shor na vo shor machaane vaale
Khaak se baith gaye Khaak udaane vaale
ye alag baat mayassar lab-e-goyaa na huaa
dil men vo dhuum ki sunate hain zamaane vaale
ab tak us kii muhabbat kaa nashaa taarii hai - Shehzad Ahmed
ab tak us kii muhabbat kaa nashaa taarii hai
phuul baaqii nahiin Khushbuu kaa safar jaarii hai
sahar lagataa hai pasiine men nahaayaa huaa jism
ye ajab Khvaab men duubii huii bedaarii hai
ye soch kar ki terii jabiin par na bal pade - Shehzad Ahmed
ye soch kar ki terii jabiin par na bal pade
bas duur hii se dekh liyaa aur chal pade
dil men phir ik kasak-sii uthii muddaton ke baad
ik umr ke ruke hue aansuu nikal pade
vo diyaa jis se mere qalb-o-nazar raushan the - Shehzad Ahmed
vo diyaa jis se mere qalb-o-nazar raushan the
main ne jab haath lagaaya to jale haath mere
ghar kii taKhtii koii padhataa hii nahiin kyaa kiije
koii ho jo ki mujhe shahar men rusavaa kar de
sitaaraa apanii bhii taabindagii na dekh sakaa - Shehzad Ahmed
sitaaraa apanii bhii taabindagii na dekh sakaa
vo dhundh thii ki ye manzar koii na dekh sakaa
talaash karate huye ungaliyaan jalaa daaliin
vo tiiragii thii ki main shama bhii na dekh sakaa
mumkin ho aap se to bhulaa diijiye mujhe - Shehzad Ahmed
mumkin ho aap se to bhulaa diijiye mujhe
patthar pe huun lakiir mitaa diijiye mujhe
har roz mujh se taazaah shikaayat hai aap ko
main kyaa huun ek baar bataa diijiye mujhe
jo shajar suukh gayaa hai vo haraa kaise ho - Shehzad Ahmed
jo shajar suukh gayaa hai vo haraa kaise ho
main payamabar to nahiin meraa kahaa kaise ho
dil ke har zarre pe hai naqsh muhabbat usakii
nuur aankhon kaa hai aankhon se judaa kaise ho
haal usakaa tere chehare pe likhaa lagataa hai - Shehzad Ahmed
haal usakaa tere chehare pe likhaa lagataa hai
vo chup chaap khadaa hai teraa kyaa lagataa hai
yuun to har chiiz salaamat hai merii duniyaa men
ek ta'alluq hai jo TuuTaa huaa lagataa hai
apanii tasviir ko aankhon se lagataa kyaa hai - Shehzad Ahmed
apanii tasviir ko aankhon se lagataa kyaa hai
ik nazar merii taraf dekh, teraa jaataa kyaa hai
merii rusavaaii men tuu bhii hai baraabar kaa shariik
mere qisse mere yaaron ko sunaataa kyaa hai
Subscribe to:
Posts (Atom)