jal bhii chuke paravaane ho bhii chukii rusvaaii - Shehzad Ahmed
jal bhii chuke paravaane ho bhii chukii rusvaaii
ab Khaak udaane ko baithe hain tamaashaaii
taaron kii ziyaa dil men ik aag lagaatii hai
aaraam se raaton ko sote nahiin saudaaii
behis hain tamannaayen niind aaii ki maut aaii
ab dil ko kisii karavat aaraam nahiin milataa
ik umr kaa ronaa hai do din kii shanaasaaii
ik shaam vo aaye the ik raat farozaan thii
vo shaam nahiin lautii vo raat nahiin aaii
0 comments:
Post a Comment