ai ishq na chhed aa aa ke hamen - Akhtar Sheerani
ai ishq na chhed aa aa ke hamen
ham bhuule huon ko yaad na kar
pahale hii bahut naashad hain ham
tuu aur hamen naashaad na kar
Showing posts with label Akhtar Sheerani. Show all posts
Showing posts with label Akhtar Sheerani. Show all posts
Sunday, 6 November 2011
Read more...
har ek jalvaa-e-rangiin merii nigaah men hai - Akhtar Sheerani
har ek jalvaa-e-rangiin merii nigaah men hai
gam-e-firaaq kii duniyaa dil-e-tabaah men hai
kisii kii yaad-e-karam uf are ma'azallaah
tabaah hoke bhii zaalim dil-e-tabaah men hai
nikhat-e-zulf se niindon ko basaa de aakar - Akhtar Sheerani
nikhat-e-zulf se niindon ko basaa de aakar
merii jaagii huii raaton ko sulaa de aakar
kis qadar tiiraa-o-taariik hai duniyaa merii
jalvaa-e-husn kii ik shamaa jalaa de aakar
mastaanaa piye jaa yuun hii mastaanaa piye jaa - Akhtar Sheerani
mastaanaa piye jaa yuun hii mastaanaa piye jaa
paimaanaa to kyaa chiiz hai maikhaanaa piye jaa
kar garq may-o-jaam gam-e-gardish-e-ayyaam
ab ai dil-e-naakaam tuu maikhaanaa piye jaa
merii shaam-e-gam ko vo bahalaa rahe hain - Akhtar Sheerani
merii shaam-e-gam ko vo bahalaa rahe hain
likhaa hai ye khat men ki ham aa rahe hain
thahar jaa zaraa aur dard-e-furqat
hamaare tasavvur men vo aa rahe hain
vo kahate hain ranjish kii baaten bhulaa den - Akhtar Sheerani
vo kahate hain ranjish kii baaten bhulaa den
muhabbat karen khush rahen muskuraa den
javaanii ho gar jaavidaanii to yaa rab
terii saadaa duniyaa ko jannat banaa den
kyaa kah gaii kisii kii nazar kuchh na puuchhiye - Akhtar Sheerani
kyaa kah gaii kisii kii nazar kuchh na puuchhiye
kyaa kuchh huaa hai dil pe asar kuchh na puuchhiye
vo dekhanaa kisii kaa kunakhiyon se baar baar
vo baar baar us kaa asar kuchh na puuchhiye
main aarazuu-e-jaan likhuun yaa jaan-e-aarazuu- Akhtar Sheerani
main aarazuu-e-jaan likhuun yaa jaan-e-aarazuu
tuu hii bataade naaz se iimaan-e-aarazuu
iimaan-o-jaan nisaar terii ik nigaah par
tuu jaan-e-aarazuu hai tuu iimaan-e-aarazuu
kaam aa sakiin na apanii vafaayen to kyaa karen- Akhtar Sheerani
kaam aa sakiin na apanii vafaayen to kyaa karen
ik bevafaa ko bhuul na jaayen to kyaa karen
mujh ko ye etaraaf duaaon men hai asar
jaaye na arsh par jo duaayen to kyaa karen
kisii se kabhii dil lagaayaa na thaa- Akhtar Sheerani
kisii se kabhii dil lagaayaa na thaa
muhabbat kaa sadamaa uthaayaa na thaa
hasiinon ke rone pe hansate the ham
kabhii ek aansuu bahaayaa na thaa
dil-o-dimaag ko ro luungaa aah kar luungaa- Akhtar Sheerani
dil-o-dimaag ko ro luungaa aah kar luungaa
tumhaare ishq men sab kuchh tabaah kar luungaa
agar mujhe na miliin tum tumhaare sar kii qasam
main apanii saarii javaanii tabaah kar luungaa
jo bhii buraa bhalaa hai allaah jaanataa hai- Akhtar Sheerani
jo bhii buraa bhalaa hai allaah jaanataa hai
bande ke dil men kyaa hai allaah jaanataa hai
ye farsh-o-arsh kyaa hai allaah jaanataa hai
pardon men kyaa chhupaa hai allaah jaanataa hai
Subscribe to:
Posts (Atom)