main aarazuu-e-jaan likhuun yaa jaan-e-aarazuu- Akhtar Sheerani

main aarazuu-e-jaan likhuun yaa jaan-e-aarazuu

tuu hii bataade naaz se iimaan-e-aarazuu

iimaan-o-jaan nisaar terii ik nigaah par

tuu jaan-e-aarazuu hai tuu iimaan-e-aarazuu

ik vo ke aarazuuon pe jiite hain umr bhar

ik ham ke hain abhii se pashemaan-e-aarazuu

aankhon se juu-e-khuun hai ravaan dil hai daag daag

dekhe koii bahaar-e-gulistaan-e-aarazuu