har ek jalvaa-e-rangiin merii nigaah men hai - Akhtar Sheerani
har ek jalvaa-e-rangiin merii nigaah men hai
gam-e-firaaq kii duniyaa dil-e-tabaah men hai
kisii kii yaad-e-karam uf are ma'azallaah
tabaah hoke bhii zaalim dil-e-tabaah men hai
hazaar pardon men o chhupanevaale ye sun le
teraa jamaal mere daaman-e-nigaah men hai
jahaan men mujhe bhii naakaam-e-aarazuu kam hai
na rang aah men hai aur na soz aah men hai
0 comments:
Post a Comment