mastaanaa piye jaa yuun hii mastaanaa piye jaa - Akhtar Sheerani
mastaanaa piye jaa yuun hii mastaanaa piye jaa
paimaanaa to kyaa chiiz hai maikhaanaa piye jaa
kar garq may-o-jaam gam-e-gardish-e-ayyaam
ab ai dil-e-naakaam tuu maikhaanaa piye jaa
may-noshii ke aadaab se aagaah nahiin tuu
jis tarah kahe saaqii-e-maikhaanaa piye jaa
is bastii men hai vahashat-e-mastii hii se hastii
diivaanaa ban aur baadaa-e-diivaanaa piye jaa
maikhaane ke hangaamen hain kuchh der ke mehamaan
hai subah qariib "akhtar" divaanaa piye jaa
0 comments:
Post a Comment