legend poetry: Ahmed Nadeem Qasmi

Showing posts with label Ahmed Nadeem Qasmi. Show all posts

Saturday, 5 November 2011

ab tak to nuur-o-niKhat-o-rang-o-sadaa kahuun - Ahmed Nadeem Qasmi

ab tak to nuur-o-niKhat-o-rang-o-sadaa kahuun

main tujh ko chhuu sakuun to Khudaa jaane kyaa kahuun

lafzon se un ko pyaar hai mafhuum se mujhe

vo gul kahen jise main teraa naqsh-e-paa kahuun

kaun kahataa hai ke maut aaii to mar jaauungaa - Ahmed Nadeem Qasmi

kaun kahataa hai ke maut aaii to mar jaauungaa

main to dariyaa huun samandar men utar jaauungaa

teraa dar chhod ke main aur kidhar jaauungaa

ghar men ghir jaauungaa saharaa men bikhar jaauungaa

jab teraa hukm milaa tark muhabbat kar dii - Ahmed Nadeem Qasmi

jab teraa hukm milaa tark muhabbat kar dii

dil magar is pe vo dhadhakaa ki qayaamat kar dii

tujh se kis tarah main izhaar-e-tamannaa karataa

lafz suujhaa to maanii ne bagaavat kar dii

gul teraa rang churaa laaye hain gulzaaron men - Ahmed Nadeem Qasmi

gul teraa rang churaa laaye hain gulzaaron men

jal rahaa huun bharii barasaat kii bauchhaaron men

mujh se kataraa ke nikal jaa magar ai jaan-e-hayaa

dil kii lau dekh rahaa huun tere ruKhasaaron men

labon pe narm tabassum rachaa ke dhul jaayen - Ahmed Nadeem Qasmi

labon pe narm tabassum rachaa ke dhul jaayen

Khudaa kare mere aansuu kisii ke kaam aayen

jo ibtadaa-e-safar men diye bujhaa baithe

vo badnasiib kisii kaa suraag kyaa paayen

lab-e Khaamosh se afshaa hogaa - Ahmed Nadeem Qasmi

lab-e Khaamosh se afshaa hogaa

raaz har rang men rusvaa hogaa

dil ke saharaa men chalii sard havaa

abr gulzaar pe barasaa hogaa

kis ko qaatil main kahuun kis ko masiihaa samajhuun - Ahmed Nadeem Qasmi

kis ko qaatil main kahuun kis ko masiihaa samajhuun

sab yahaan dost hii baithe hain kise kyaa samajhuun

vo bhii kyaa din the kii har vaham yaqiin hotaa thaa

ab haqiiqat nazar aaye to use kyaa samajhuun

mujhe kal meraa ek saathii milaa - Ahmed Nadeem Qasmi

mujhe kal meraa ek saathii milaa

jis ne ye raaz kholaa

ke 'ab jazbaa-o-shauq kii vahashaton ke zamaane gaye'

phir vo aahistaa-aahistaa chaaron taraf dekhataa

maruun to main kisii chehare men rang bhar jaauun - Ahmed Nadeem Qasmi

maruun to main kisii chehare men rang bhar jaauun

'nadeem' kaash yahii ek kaam kar jaauun

ye dasht-e-tark-e-muhabbat ye tere qurb kii pyaas

jo izaan ho to terii yaad se guzar jaauun

ret se but na banaa ai mere achchhe fankaar - Ahmed Nadeem Qasmi

ret se but na banaa ai mere achchhe fankaar

ek lamhe ko thahar main tujhe patthar laa duun

main tere saamane ambaar lagaa duun lekin

kaun se rang kaa patthar tere kaam aayegaa

shaam ko subah-e-chaman yaad aaii - Ahmed Nadeem Qasmi

shaam ko subah-e-chaman yaad aaii

kis kii Khushbuu-e-badan yaad aaii

jab Khayaalon men koii mod aayaa

tere gesuu kii shikan yaad aaii

zehanon men Khayaal jal rahe hain - Ahmed Nadeem Qasmi

zehanon men Khayaal jal rahe hain

sochon ke alaav-se lage hain

duniyaa kii girift men hain saaye

ham apanaa vujuud dhuundhate hain

vo koii aur na thaa chand Khushk patte the - Ahmed Nadeem Qasmi

vo koii aur na thaa chand Khushk patte the

shajar se tuut ke jo fasl-e-gul pe roye the

abhii abhii tumhen sochaa to kuchh na yaad aayaa

abhii abhii to ham ek-duusare se bichhade the

ziist aazaar huii jaatii hai - Ahmed Nadeem Qasmi

ziist aazaar huii jaatii hai

saans talavaar huii jaatii hai

jism bekaar huaa jaataa hai

ruuh bedaar huii jaatii hai