kis ko qaatil main kahuun kis ko masiihaa samajhuun - Ahmed Nadeem Qasmi

kis ko qaatil main kahuun kis ko masiihaa samajhuun

sab yahaan dost hii baithe hain kise kyaa samajhuun

vo bhii kyaa din the kii har vaham yaqiin hotaa thaa

ab haqiiqat nazar aaye to use kyaa samajhuun

dil jo tuutaa to kaii haath duaa ko uthe

aise maahaul men ab kis ko paraayaa samajhuun

zulm ye hai ke hai yaqtaa terii begaanaaravii

lutf ye hai ke main ab tak tujhe apanaa samajhuun