soz-e-gam deke mujhe us ne ye irshaad kiyaa - Josh Malihabadi
soz-e-gam deke mujhe us ne ye irshaad kiyaa
jaa tujhe kash-ma-kash-e-dahar se aazaad kiyaa
vo karen bhii to kin alfaaz men teraa shikavaa
jin ko terii nigaah-e-lutf ne barbaad kiyaa
Showing posts with label Josh Malihabadi. Show all posts
Showing posts with label Josh Malihabadi. Show all posts
Monday, 7 November 2011
naqsh-e-Khayaal dil se mitaayaa nahiin hanoz - Josh Malihabadi
naqsh-e-Khayaal dil se mitaayaa nahiin hanoz
bedard main ne tujhako bhulaayaa nahiin hanoz
vo sar jo terii raahaguzar men thaa sajdaa-rez
main ne kisii qadam pe jhukaayaa nahiin hanoz
fikr hii thaharii to dil ko fikr-e-Khubaan kyon na ho - Josh Malihabadi
fikr hii thaharii to dil ko fikr-e-Khubaan kyon na ho
Khaak hona ahai to Khaak-e-kuu-e-jaanaan kyon na ho
ziist hai jab mustaqil aavaaraa gardii hii kaa naam
aql vaalo phir tavaaf-e-kuu-e-jaanaan kyon na ho
kis ko aatii hai masihaaii kise aavaaz duun - Josh Malihabadi
kis ko aatii hai masihaaii kise aavaaz duun
bol ai KhuunKhaar tanahaaii kise aavaaz duun
chup rahuun to har nafas dasataa hai naagan kii tarah
aah bharane men hai rusavaaii kise aavaaz duun
kisane vaadaa kiyaa hai aane kaa - Josh Malihabadi
kisane vaadaa kiyaa hai aane kaa
husn dekho gariib Khaane kaa
ruuh ko aaiinaa dikhaate hain
dar-o-diivaar muskuraate hain
ye din bahaar ke ab ke bhii raas na aa sake - Josh Malihabadi
ye din bahaar ke ab ke bhii raas na aa sake
ki gunche khil to sake khil ke muskuraa na sake
merii tabaahii dil par to raham khaa na sakii
jo raushanii men rahe raushanii ko paa na sake
qadam insaan kaa raah-e-dahar men tharraa hii jaataa hai - Josh Malihabadi
qadam insaan kaa raah-e-dahar men tharraa hii jaataa hai
chale kitanaa hii koii bachake thokar khaa hii jaataa hai
nazar ho Khvaah kitanii hii haqaaiq-aashnaa phir bhii
hujuum-e-kashmakash men aadamii ghabaraa hii jaataa hai
ahal-e-daval men dhuum thii roz-e-saiid kii - Josh Malihabadi
ahal-e-daval men dhuum thii roz-e-saiid kii
muflis ke dil men thii na kiran bhii ummiid kii
itane men aur charKh ne mattii paliid kii
bachche ne muskuraa ke Khabar dii jo iid kii
kyaa hind kaa zindaan kaanp rahaa guunj rahii hain takbiiren - Josh Malihabadi
kyaa hind kaa zindaan kaanp rahaa guunj rahii hain takbiiren
uktaaye hain shaayad kuchh qaidii aur tod rahe hain zanjiiren
diivaaron ke niiche aa aa kar yuun jamaa huye hain zindaanii
siinon men talaatum bijalii kaa aankhon men jhalakatii shamashiiren
Khaamoshii kaa samaan hai aur main huun - Josh Malihabadi
Khaamoshii kaa samaan hai aur main huun
dayaar-e-Khuftagaan hai aur main huun
kabhii Khud ko bhii insaan kaash samajhe
ye saii-e-raayagaan hai aur main huun
zindagii Khvaab-e-pareshaan hai koii kyaa jaane - Josh Malihabadi
zindagii Khvaab-e-pareshaan hai koii kyaa jaane
maut kii larazish-e-mizshagaan hai koii kyaa jaane
raamish-o-rang ke aivaan men lailaa-e-hayaat
sirf ek raat kii mehamaan hai koii kyaa jaane
Subscribe to:
Posts (Atom)