zindagii Khvaab-e-pareshaan hai koii kyaa jaane - Josh Malihabadi
zindagii Khvaab-e-pareshaan hai koii kyaa jaane
maut kii larazish-e-mizshagaan hai koii kyaa jaane
raamish-o-rang ke aivaan men lailaa-e-hayaat
sirf ek raat kii mehamaan hai koii kyaa jaane
gulashan-e-ziist ke har phuul kii rangiinii men
dajalaa-e-Khuun-e-rag-e-jaan hai koii kyaa jaane
rang-o-aahang se bajatii huii yaadon kii baraat
raharav-e-jaadaa-e-nisiyaan hai koii kyaa jaane
0 comments:
Post a Comment