main ke phir dasht-e-rafaaqat kaa safar kar aayaa - Ahmed Faraz

main ke phir dasht-e-rafaaqat kaa safar kar aayaa

kyaa kahuun kitnii aziiyat se guzar kar aayaa

har ko?ii ham se milaa umr-e-gurezaan ki tarah

vo to jis dil se bhii guzraa vahiin ghar kar aayaa

tum ne ek sang uthaayaa mere aaiine par

aur har shakhs ko main aaiina-gar kar aayaa

mujhse kyaa puuchte ho shah?r-e-vafaa kaisaa hai

aise lagtaa hai saliibon se utar kar aayaa

sirf chehre hii agar kurb ke aaiine hain

kyun na main dil kaa lahuu aankh men bhar kar aayaa