ab tak tere fitnay hain salamat ussay kehna - Ahmed Faraz

ab tak tere fitnay hain salamat ussay kehna

yaaro! sar-e- mehshar bhe qayamat ussay kehna

ay hum-nafsoo, mehw-e-gham-e-jan hain abhe hum

aain gay, sar-e-koo-e-malamat, ussay kehna

ik wo he nahe tarq-e-taaluq pay pashymaan

hy ahl-e-wafa ko bhe nadamat, ussay kehna

ay dil zadgaan! mooat hy izhaar -e- tamanna

wo but ho khuda bhe, to khuda mat ussay kehna

her jaghah faraz in dinoon badnaam hy phir bhe,

haalat ka hy maara, bura mat ussay kehna