koii samajhegaa kyaa raaz-e-gulashan - Fana Nizami Kanpuri

koii samajhegaa kyaa raaz-e-gulashan

jab tak ulajhe na kaanton se daaman

yak-ba-yak saamane aanaa jaanaa

ruk na jaaye kahiin dil kii dhadakan

gul to gul khaar tak chun liye hain

phir bhii khaalii hai gulchiin kaa daaman

kitanii aaraaish-e-aashiyaanaa

tuut jaaye na shaakh-e-nasheman

azamat-e-aashiyaanaa badaa dii

barq ko dost samajhuun ke dushman