charaag-e-ishq jalaane kii raat aaii hai - Faiz Ratlami
charaag-e-ishq jalaane kii raat aaii hai
kisii ko apanaa banaane kii raat aaii hai
falak ka chaadd bhii sharmaa ke muunh chhupaayegaa
naqaab rukh se uthaane kii raat aaii hai
nigaah-e-saaqii se paiham chhalak rahii hai sharaab
pio ki piine-pilaane kii raat aaii hai
vo aaj aae hain mahafil men chaandanii lekar
ki raushanii men nahaane kii raat aaii hai
0 comments:
Post a Comment