na karataa zabt main naalaa to phir aisaa dhuuan uthataa - Ibrahim Zauq

na karataa zabt main naalaa to phir aisaa dhuuan uthataa

ki niiche aasmaan ke aur nayaa ik aasmaan hotaa

jo rotaa khol kar jii tanganaa-e-dahar men aashiq

to juu-e-kahakashaan men bhii falak par khuun ravaan hotaa

Read more...

main vo majanuun huun jo nikaluun kunj-e-zindaan chhodakar - Ibrahim Zauq

main vo majanuun huun jo nikaluun kunj-e-zindaan chhodakar

seb-e-jannat tak na khaauun sang-e-tiflaan chhodakar

main huun vo gumanaam jab daftar men naam aayaa meraa

rah gayaa bas munshii-e-kudarat jagah vaan chhodakar

Read more...

laaii hayaat aaye qazaa le chalii chale - Ibrahim Zauq

laaii hayaat aaye qazaa le chalii chale

na apanii khushii aaye na apanii khushii chale

behatar to hai yahii ke na duniyaa se dil lage

par kyaa karen jo kaam na bedillagii chale

Read more...

hai tere kaan zulf-e-muimbar lagii huii - Ibrahim Zauq

hai tere kaan zulf-e-muimbar lagii huii

rakkhegii ye na baal baraabar lagii huii

baithe bhare hue hain khum-e-mai kii tarah ham

par kyaa karen ke muhar hai muunh par lagii huii

Read more...

ab to ghabaraa ke ye kahate hain ke mar jaayenge - Ibrahim Zauq

ab to ghabaraa ke ye kahate hain ke mar jaayenge

mar ke bhii chain na paayaa to kidhar jaayenge

tum ne thaharaaii agar gair ke ghar jaane kii

to iraade yahaan kuchh aur thahar jaayenge

Read more...

phirataa liye chaman men hai diivaanaapan mujhe - Ibrahim Zauq

phirataa liye chaman men hai diivaanaapan mujhe

zanjiir-e-paa hai mauj-e-nasiim-e-chaman mujhe

huun shamaa yaa ki sholaa khabar kuchh nahiin magar

fanuus ho rahaa hai meraa pairaahan mujhe

Read more...

niimchaa yaar ne jis vaqt bagal men maaraa - Ibrahim Zauq

niimchaa yaar ne jis vaqt bagal men maaraa

jo chadhaa muunh use maidaan-e-ajal men maaraa

us lab-o-chashm se hai zindagii-o-maut apanii

kab-kabhii pal men jilaayaa kabhii pal men maaraa

Read more...

marate hain tere pyaar se ham aur ziyaadaa - Ibrahim Zauq

marate hain tere pyaar se ham aur ziyaadaa

tuu lutf men karataa hai sitam aur ziyaadaa

den kyon ki na vo daag-e-alam aur ziyaadaa

qiimat men badhe dil ke diram aur ziyaadaa

Read more...

lete hii dil jo aashiq-e-dil-soz kaa chale - Ibrahim Zauq

lete hii dil jo aashiq-e-dil-soz kaa chale

tum aag lene aaye the kyaa aaye kyaa chale

bal be garuur-e-husn, zamiin par na rakhe paaon

maaninde aaftaab vo be naqashe paa chale

Read more...

kal gaye the tum jise biimaar-e-hijaraan chhod kar - Ibrahim Zauq

kal gaye the tum jise biimaar-e-hijaraan chhod kar

chal basaa vo aaj sab hastii kaa saamaan chhod kar

tifl-e-ashk aisaa giraa daaman-e-mizshagaan chhod kar

phir na utthaa kuuchaa-e-chaak-e-garebaan chhod kar

Read more...

dariyaa-e-ashk chashm se jis aan bah gayaa - Ibrahim Zauq

dariyaa-e-ashk chashm se jis aan bah gayaa

sun liijiyo ke arsh kaa aivaan bah gayaa

zaahid sharaab piine se kaafir huaa main kyuun

kyaa dedh chulluu paanii men imaan bah gayaa

Read more...

aankhen merii talavon se mal jaaye to achchhaa - Ibrahim Zauq

aankhen merii talavon se mal jaaye to achchhaa

hai hasrat-e-paa-bos nikal jaaye to achchhaa

jo chashm ke be-nam hon, vo ho kor to bahatar

jo dil ke ho be-daag, vo jal jaaye to achchhaa

Read more...