unake ek jaan-nisaar ham bhii hain - Daag Dehlvi
unake ek jaan-nisaar ham bhii hain
hain jahaan sau-hazaar ham bhii hain
tum bhii bechain ham bhii hain bechain
tum bhii ho beqaraar ham bhii hain
Showing posts with label Daag Dehlvi. Show all posts
Showing posts with label Daag Dehlvi. Show all posts
Sunday, 6 November 2011
ye jo hai hukm mere paas na aaye koii - Daag Dehlvi
ye jo hai hukm mere paas na aaye koii
is liye ruuth rahe hain ki manaaye koii
taak men hai nigah-e-shauq Khudaa Khair kare
saamane se mere bachataa huaa jaaye koii
tumhaare Khat men nayaa ik salaam kis kaa thaa - Daag Dehlvi
tumhaare Khat men nayaa ik salaam kis kaa thaa
na thaa raqiib to aaKhir vo naam kis kaa thaa
vo qatl kar ke har kisii se puuchhate hain
ye kaam kis ne kiyaa hai ye kaam kis kaa thaa
uzr aane men bhii hai aur bulaate bhii nahiin - Daag Dehlvi
uzr aane men bhii hai aur bulaate bhii nahiin
baais-e-tark-e-mulaaqaat bataate bhii nahiin
Khuub pardaa hai ke chilaman se lage baithe hain
saaf chhupate bhii nahiin saamane aate bhii nahiin
phire raah se vo yahaan aate aate - Daag Dehlvi
phire raah se vo yahaan aate aate
ajal merii rahii tuu kahaan aate aate
mujhe yaad karane se ye muddaa thaa
nikal jaaye dam hichakiyaan aate aate
ranj kii jab guftaguu hone lagii - Daag Dehlvi
ranj kii jab guftaguu hone lagii
aap se tum tum se tuu hone lagii
chaahiye paigaamabar dono taraf
lutf kyaa jab duu-ba-duu hone lagii
sitam hii karanaa jafaa hii karanaa nigaah-e-lutf kabhii na karanaa - Daag Dehlvi
sitam hii karanaa jafaa hii karanaa nigaah-e-lutf kabhii na karanaa
tumhen qasam hai hamaare sar kii hamaare haq men kamii na karanaa
kahaan kaa aanaa kahaan kaa jaanaa vo jaante hii nahiin ye rasmen
vahaan hai vaade kii bhii ye suurat kabhii to karanaa kabhii na karanaa
pukaaratii hai Khaamoshii merii fugaan kii tarah - Daag Dehlvi
pukaaratii hai Khaamoshii merii fugaan kii tarah
nigaahen kahataii hain sab raaz-e-dil zubaan kii tarah
jalaa ke daag-e-muhabbat ne dil ko Khaak kiyaa
bahaar aaii mere baag men Khizaan kii tarah
rasm-e-ulfat sikhaa gayaa koii - Daag Dehlvi
rasm-e-ulfat sikhaa gayaa koii
dil kii duniyaa pe chhaa gayaa koii
taa qayaamat kisii tarah na bujhe
aag aisii lagaa gayaa koii
parde parde men aataab achchhe nahiin - Daag Dehlvi
parde parde men aataab achchhe nahiin
aise andaaz-e-hijaab achchhe nahiin
mayakade men ho gaye chup-chaap kyon
aaj kuchh mast-e-sharaab achchhe nahiin
na jaao haal-e-dil-e-zaar dekhate jaao - Daag Dehlvi
na jaao haal-e-dil-e-zaar dekhate jaao
ki jii na chaahe to naachaar dekhate jaao
bahaar-e-umr men baag-e-jahaan kii sair karo
khilaa huaa hai ye gulazaar dekhate jaao
phir shab-e-gam ne mujhe shakl dikhaaii kyonkar - Daag Dehlvi
phir shab-e-gam ne mujhe shakl dikhaaii kyonkar
ye balaa ghar se nikaalii huii aaii kyonkar
tuu ne kii gair se merii buraaii kyonkar
gar na thii dil men to lab par tere aaii kyonkar
le chalaa jaan merii ruuth ke jaanaa teraa - Daag Dehlvi
le chalaa jaan merii ruuth ke jaanaa teraa
aise aane se to behatar thaa na aanaa teraa
apane dil ko bhii bataauun na thikaanaa teraa
sab ne jaanaa jo pataa ek ne jaanaa teraa
muhabbat men kare kyaa kuchh kisii se ho nahiin sakataa - Daag Dehlvi
muhabbat men kare kyaa kuchh kisii se ho nahiin sakataa
meraa maranaa bhii to merii Khushi se ho nahiin sakataa
na ronaa hai tariiqe kaa na hansanaa hai saliiqe kaa
pareshaanii men koii kaam jii se ho nahiin sakataa
lutf vo ishq men paaye hain ki jii jaanataa hai - Daag Dehlvi
lutf vo ishq men paaye hain ki jii jaanataa hai
ranj bhii itane uthaaye hain kio jii jaanataa hai
jo zamaane ke sitam hain vo zamaanaa jaane
tuune dil itane dukhaaye hain ki jii jaanataa hai
Khaatir se yaa lihaaz se main maan to gayaa - Daag Dehlvi
Khaatir se yaa lihaaz se main maan to gayaa
jhuuthii qasam se aap kaa imaan to gayaa
dil leke muft kahate hain kuchh kaam kaa nahiin
ulatii shikayaten rahii ehasaan to gayaa
mere qaabuu men na peharon dil-e-naashaad aayaa - Daag Dehlvi
mere qaabuu men na peharon dil-e-naashaad aayaa
vo meraa bhuulane vaalaa jo mujhe yaad aayaa
dil-e-viiraan se raqiibon ne muraaden paaiin
kaam kis kis ke meraa Khirman-e-barbaad aayaa
kaabe kii hai havas kabhii kuu-e-butaan kii hai - Daag Dehlvi
kaabe kii hai havas kabhii kuu-e-butaan kii hai
mujh ko Khabar nahiin merii mittii kahaan kii hai
kuchh taazagii ho lazzat-e-aazaar ke liye
har dam mujhe talaash naye aasamaan kii hai
har baar maangatii hai nayaa chashm-e-yaar dil - Daag Dehlvi
har baar maangatii hai nayaa chashm-e-yaar dil
ik dil ke kis tarah se banaauun hazaar dil
puuchhaa jo us ne taalib-e-roz-e-jazaa hai kaun
nikalaa merii zabaan se be-iKhtiyaar dil
is adaa se vo vafaa karate hain - Daag Dehlvi
is adaa se vo vafaa karate hain
koii jaane ke vafaa karate hain
hamako chhodoge to pachhataaoge
hanSanae vaalon se hansaa karate hain
Subscribe to:
Posts (Atom)