legend poetry: Behzad Lucknawi

Showing posts with label Behzad Lucknawi. Show all posts

Sunday, 6 November 2011

ab hai Khushii Khushii men na gam hai malaal men

duniyaa se kho gayaa huun tumhaare Khayaal men

mujh ko na apanaa hosh na duniyaa kaa hosh hai

mast hoke baithaa huun tumhaare Khayaal men

diiwaanaa banaanaa hai to diiwaanaa banaa de

warnaa kahiin taqdiir tamaashaa na banaa de

aye dekhanewaalon mujhe hans hans ke na dekho

tum ko bhii mohabbat kahiin mujh saa na banaa de

tumhaare bulaane ko jii chaahataa hai

muqaddar banaane ko jii chaahataa hai

jo tum aao to saath Khushiyaan bhii aayen

meraa muskuraane ko jii chaahataa hai

ai jazbaa-e-dil gar main chaahuun har chiiz muqaabil aa jaaye

manzil ke liye do gaam chaluun aur saamane manzil aa jaaye

ai dil kii Khalish chal yuun hii sahii, chalataa to huun unakii mahafil men

us vaqt mujhe chaunkaa denaa jab rang pe mahafil aa jaaye

tum nagmaa-e-maah ho anjum ho tum soz-e-tamannaa kyaa jaano

tum dard-e-muhabbat kyaa samajho tum dil kaa tadapanaa kyaa jaano

sau baar agar tum ruuth gaye ham tum ko manaa hii lete the

ik baar agar ham ruuth gaye tum ham ko manaanaa kyaa jaano

un aankhon kaa aalam gulaabii gulaabii

mere dil kaa aalam sharaabii sharaabii

nigaahon ne dekhii muhabbat ne maanii

terii bemisaalii terii laajavaabii