zabaan suKhan ko suKhan baankapan ko tarasegaa - Nasir Kazmi
zabaan suKhan ko suKhan baankapan ko tarasegaa
suKhankadaa merii tarz-e-suKhan ko tarasegaa
naye pyaale sahii tere daur men saaqii
ye daur merii sharaab-e-kohan ko tarasegaa
mujhe to Khair vatan chhod ke aman na milii
vatan bhii mujh se gariib-ul-vatan ko tarasegaa
unhiin ke dam se farozaan hain millaton ke charaag
zamaanaa sohabat-e-arabaab-e-fan ko tarasegaa
badal sako to badal do ye baagbaan varanaa
ye baag saayaa-e-sard-o-samaan ko tarasegaa
havaa-e-zulm yahii hai to dekhanaa ek din
zamiin paanii ko suuraj kiran ko tarasegaa
0 comments:
Post a Comment