vo kaun hai duniyaa men jise gam nahiin hotaa - Riaz Khairabadi

vo kaun hai duniyaa men jise gam nahiin hotaa

kis ghar men Khushii hotii hai maatam nahiin hotaa

aise bhii hain duniyaa men jinhen gam nahiin hotaa

ek ham hain hamaaraa gam kabhii kam nahiin hotaa

kyaa surmaa-bharii aankhon se aansuu nahiin bahate

kyaa mehandii lage haathon se maatam nahiin hotaa

kuchh aur bhii hotii hain bigadane kii adaayen

par merii samajh ye ek aalam nahiin hotaa