so rahaa thaa to shor barpaa thaa - Razi Tirmazi
so rahaa thaa to shor barpaa thaa
uTh ke dekhaa to main akelaa thaa
Khaak par mere Khvaab bikhare the
aur main rezaa rezaa chunataa thaa
chaar jaanib vujuud kii diivaar
apanii aavaaz main hii sunataa thaa
umr bhar buund buund ko tarase
saamane ghar ke ek dariyaa thaa
lab-e-dariyaa khade rahe donon
vo bhii pyaasaa thaa main bhii pyaasaa thaa
0 comments:
Post a Comment