vahii taaj hai vahii takht hai vahii zahar hai vahii jaam hai - Bashir Badr
vahii taaj hai vahii takht hai vahii zahar hai vahii jaam hai
ye vahii khudaa kii zamiin hai ye vahii buton kaa nizaam hai
bade shauq se meraa ghar jalaa koii aanch na tujhape aayegii
ye zubaan kisii ne khariid lii ye qalam kisii kaa Gulaam hai
main ye maanataa huun mere diye terii aandhiyon ne bujhaa diye
magar ik juganuu havaaon men abhii raushanii kaa imaam hai
0 comments:
Post a Comment