tuu mere saath chal na paayegii - Shamim Shahabad

tuu mere saath chal na paayegii

jab merii raah terii raah se milatii hii nahiin

phir meraa saath nibhaane kii zaruurat kyaa hai

apanii maasuum tamannaaon ko rahabar na banaa

Khvaab phir Khvaab hain labon kii haqiiqat kyaa hai

ye naii raah tujhe raas nahiin aayegii

main ne maanaa ki tujhe mujh se muhabbat hai magar

merii gurbat terii chaahat kaa silaa kyaa degii

apanii maharuumi-e-qismat se pareshaan huun main

bebasii ashk-e-nadaamat ke sivaa kyaa degii

vaqt kii dhuup men har chiiz jhulas jaayegii