sarfaroshii kii tamannaa ab hamaare dil men hai - Bismil Allahabadi

sarfaroshii kii tamannaa ab hamaare dil men hai

dekhanaa hai zor kitanaa baazuu-e-qaatil men hai

karataa nahiin kyon duusaraa kuchh baat-chiit

dekhataa huun main jise vo chup terii mahafil men hai

ai shaahid-e-mulk-o-millat main tere uupar nisaar

ab terii himmat kaa charchaa gair kii mahafil men hai

vaqt aane de bataa denge tujhe ai aasmaan

ham abhii se kyaa bataayen kyaa hamaare dil men hai

khiinch kar laaii hain sab ko qatl hone kii ummiid

aashiqon kaa aaj jamghat kuuchaa-e-qaatil men hai