sar gashtagii men aalam-e-hastii se yaas hai - Mirza Ghalib

sar gashtagii men aalam-e-hastii se yaas hai

taskiin ko de naved ke marane kii aas hai

letaa nahiin mere dil-e-aavaaraa kii khabar

ab tak vo jaanataa hai ke mere hii paas hai

kiije bayaan suruur-e-tap-e-gam kahaan talak

har muu mere badan pe zabaan-e-sipaas hai

hai vo guruur-e-husn se begaanaa-e-vafaa

har-chand us ke paas dil-e-haq-shanaas hai

pii jis qadar mile shab-e-mahataab men sharaab

is balagamii mizaaj ko garmii hii raas hai

har yak makaan ko hai makiin se sharaf "asad"

majanuun jo mar gayaa hai to jangal udaas hai