sang dil hai wo tu kiyon is ka gila mai ne kia - Ahmed Faraz

sang dil hai wo tu kiyon is ka gila mai ne kia

jubkay khud pather ko bot, bot ko khuda mai ne kia

kaisay na-manoos lafzoon ki kahani tha wo shaks

us ko kitni mushkiloo'n se terjumaa mai ne kia

wo meri pehli mohabbat wo meri pehli shikhust

phir tu paimaan-e-waffa so martaba mai ne kia

hon saza war-e-saza kiyon jub muqadder mai meray

jo bhi us jan-e-jahaa'n ne likh dia mai ne kia

wo thaiherta kia kay guzera tak nahi jis kay leye

gher tu gher her raasta araasta mai ne kia

mujh pay apna jurm sabit ho na ho lakin faraz

log kehtay hain kay us ko be-waffa mai ne kia