safar-e-manzil-e-shab yaad nahiin - Nasir Kazmi
safar-e-manzil-e-shab yaad nahiin
log ruKhsat huye kab yaad nahiin
dil men har vaqt chubhan rahatii thii
thii mujhe kis kii talab yaad nahiin
vo sitaaraa thii ke shabanam thii ke phuul
ik suurat thii ajab yaad nahiin
aisaa ulajhaa huun gam-e-duniyaa men
ek bhii Khvaab-e-tarab yaad nahiin
bhuulate jaate hain maazii ke dayaar
yaad aayen bhii to sab yaad nahiin
ye haqiiqat hai ke ahabaab ko ham
yaad hii kab the ke ab yaad nahiin
yaad hai sair-e-charaagaan "nasir"
dii ke bujhane kaa sabab yaad nahiin
0 comments:
Post a Comment