paaon ke zakhm hain farsh-e-gul-e-tar hone tak - Himayat Ali Shayar
paaon ke zakhm hain farsh-e-gul-e-tar hone tak
raah dushvaar hai aagaaz-e-safar hone tak
ye alag baat ke khaamosh hain ahal-e-zindaan
varnaa ye qaid hai diivaar men dar hone tak
ek nazar naqsh-e-kaf-e-paa kaa hunar to dekho
kahkashaan sii nazar aatii hai sahar hone tak
haaye vo biij jo mittii men dabaa rahataa hai
kin maraahil se guzarataa hai shajar hone tak
kyaa khabar tum ko ki ye saqf ye diivaar hain kyaa
ham pe kyaa guzarii hai is chhaaon ke ghar hone tak
0 comments:
Post a Comment