musalsal bekalii dil ko rahii hai - Nasir Kazmi
musalsal bekalii dil ko rahii hai
magar jiine kii suurat to rahii hai
main kyuun phirataa huun tanhaa maaraa maaraa
ye bastii chain se kyon so rahii hai
chal dil se ummiidon ke musaafir
ye nagarii aaj Khaalii ho rahii hai
na samajho tum ise shor-e-bahaaraan
Khizaan patton men chhup ke ro rahii hai
hamare ghar kii diivaaron pe 'nasir'
udaasii baal khole so rahii hai
0 comments:
Post a Comment