mere chehare se gam aashakaaraa nahiin - Fana Nizami Kanpuri

mere chehare se gam aashakaaraa nahiin

ye na samajho ke main gam kaa maaraa nahiin

duubane ko to duube magar naaz hai

ahl-e-saahil ko ham ne pukaaraa nahiin

yuun dikhaataa hai aankhen hamen baagbaan

jaise gulshan pe kuchh haq hamaaraa nahiin

zikr-e-saaqii hii kaafii nahiin ai 'fana'

bepiye maikade men guzaaraa nahiin