kuchh din se intazaar-e-savaal-e-digar men hai - faiz ahmed faiz
kuchh din se intazaar-e-savaal-e-digar men hai
vo muzmahil hayaa jo kisii kii nazar men hai
siikhii yahiin mere dil-e-kaafir ne bandagii
rabb-e-kariim hai to terii rahguzar men hai
maazii men jo mazaa merii shaam-o-sahar men thaa
ab vo faqat tasavvur-e-shaam-o-sahar men hai
kyaa jaane kis ko kis se hai ab daad kii talab
vo gam jo mere dil men hai terii nazar men hai
0 comments:
Post a Comment