khush huun ki meraa husn-e-talab kaam to aayaa - Shakeel Badayuni

khush huun ki meraa husn-e-talab kaam to aayaa

khaalii hii sahii merii taraf jaam to aayaa

kaafii hai mere dil ki tasallii ko yahii baat

aap aa na sake aap kaa paigaam to aayaa

apanon ne nazar pherii to dil ne to diyaa saath

duniyaa men koii dost mere kaam to aayaa

wo subah kaa ehasaas ho yaan merii kashish ho

duubaa hua khurshiid sar-e-baam to aayaa

log un se ye kahate hain ki kitane hain "shakeel" aap

is husn ke sadaqe men meraa naam to aayaa