kabhii kabhii yaad men ubharate hain naqsh-e-maazii mite mite se - faiz ahmed faiz

kabhii kabhii yaad men ubharate hain naqsh-e-maazii mite mite se

vo aazamaaish sii dil-o-nazar kii, vo qurabaten sii vo faasale se

kabhii aarazuu ke seharaa men aake rukate hain qaafile se

vo saarii baaten lagaav kii sii vo saare unavaan visaal ke se

nigah-o-dil ko qaraar kaisaa nishaat-o-gam men kamii kahaan kii

vo jab mile hain to un se har baar kii hai ulfat naye sire se

bahut giraan hai ye aish-e-tanhaa kahiin sabukatar kahiin gavaaraa

vo dard-e-pinhaan ki saarii duniyaa rafiiq thii jisake vaaste se

tumhiin kaho rind-o-muhtasib men ho aaj shab kaun farq aisaa

ye aake baithe hain maikade men vo uthake aaye hain maikade se