hotii hai agarche kahane se yaaron paraaii baat - Meer Taqi Meer

hotii hai agarche kahane se yaaron paraaii baat

par ham se to thamii na kabhuu muunh pe aaii baat

kahate the us se milate to kyaa-kyaa na kahate lek

vo aa gayaa to saamane us ke na aaii baat

bul-bul ke bolane men sab andaaz hain mere

poshiidaa kyaa rahii hai kisu kii udaaii baat

ik din kahaa thaa ye ke khaamoshii men hai vaqaar

so mujh se hii sukhan nahiin main jo bataaii baat

ab mujh zaif-o-zaar ko mat kuchh kahaa karo

jaatii nahiin hai mujh se kisu kii uthaaii baat