gam-e-duniyaa se gar paaii bhii fursat sar uthaane kii

gam-e-duniyaa se gar paaii bhii fursat sar uthaane kii

falak kaa dekhanaa taqariib tere yaad aane kii

khulegaa kis tarah mazamuun mere maktuub kaa yaarab

qasam khaaii hai us kaafir ne kaagaz ke jalaane kii

lipatanaa paraniyaan men sholaa-e-aatish kaa aasaan hai

vale mushkil hai hikamat dil men soz-e-gam chhupaane kii

unhen manzuur apane zakhmiyon kaa dekh aanaa thaa

uthe the sair-e-gul ko dekhanaa shokhii bahaane kii

hamaarii saadagii thii iltafaat-e-naaz par maranaa

teraa aanaa na thaa zaalim magar tamahiid jaane kii

laqad-kob-e-havaadis kaa tahammul kar nahiin sakatii

merii taaqat ke zaamin thii buton ke naaz uthaane kii

kahuun kyaa khuubi-e-auzaag-e-ibnaa-e-zamaan "ghalib"

badii kii usane jis se hamane kii thii baarahaa nekii