dil ko lagatii hai dilrubaa kii adaa - Wali Mohammed Wali
dil ko lagatii hai dilrubaa kii adaa
jii men bastii hai khush adaa kii adaa
garche sab khuubruu hain khuub vale
qatl karatii hai miirazaa kii adaa
harf-e-bejaa bajaa hai gar boluun
dushman-e-hosh hai piyaa kii adaa
naqsh-e-diivaar kyuun na ho aashiq
hairat-afazaa hai bevafaa kii adaa
gul huye gark-e-aab-e-shabanam men
dekh us saahib-e-hayaa kii adaa
ai "Wali" dard-e-sar kii daaruu hai
mujhako us sandalii qabaa kii adaa
0 comments:
Post a Comment