aandhii chalii to naqsh-e-kaf-e-paa nahiin milaa - Mustafa Zaidi
aandhii chalii to naqsh-e-kaf-e-paa nahiin milaa
dil jis se mil gayaa vo dubaaraa nahiin milaa
aavaaz ko to kaun samajhataa ki duur duur
Khaamoshiyon kaa dard-shanaasaa nahiin milaa
ham anjuman men sab kii taraf dekhate rahe
apanii tarah se koii akelaa nahiin milaa
kachche ghade ne jiit lii nadii chadhii huii
mazabuut kashtiyon ko kinaaraa nahiin milaa
0 comments:
Post a Comment