legend poetry: Saleem Kausar

Showing posts with label Saleem Kausar. Show all posts

Tuesday, 15 November 2011

pahale pahal to Khvaabon kaa dam bharane lagatii hain

phir aankhen palakon men chhup kar rone lagatii hain

jaane tab kyon suuraj kii Khvaahish karate hain log

jab baarish men sab diivaaren girane lagatii hain

main Khayaal huun kisii aur kaa mujhe sochataa koii aur hai

sar-e-aaiinaa meraa aks hai pas-e-aainaa koii aur hai

main kisii ke dast-e-talab men huun to kisii ke harf-e-duaa men huun

main nasiib huun kisii aur kaa mujhe maangataa koii aur hai