patthar sulag rahe the koii naqsh-e-paaa na thaa - Mumtaz Rashid

patthar sulag rahe the koii naqsh-e-paaa na thaa

ham us taraf chale the jidhar raastaa na thaa

parchhaaiyon ke shahar kii tanhaaiiyaan na puuchh

apanaa shariik-e-gam koii apane sivaa na thaa

Read more...

mujh se meraa kyaa rishtaa hai har ik rishtaa bhuul gayaa - Mumtaz Rashid

mujh se meraa kyaa rishtaa hai har ik rishtaa bhuul gayaa

itane aaiine dekhe hain apanaa cheharaa bhuul gayaa

ab to ye bhii yaad nahiin hai farq thaa kitanaa donon men

us kii baaten yaad rahiin aur us kaa lahajaa bhuul gayaa

Read more...

ghar chhod ke bhii zindagii hairaaniyon men hai - Mumtaz Rashid

ghar chhod ke bhii zindagii hairaaniyon men hai

shaharon kaa shor dasht kii viiraaniyon men hai

kitanaa kahaa thaa us se ke daaman samet le

ab vo bhii mere saath pareshaaniyon men hai

Read more...

aaj bhii hain mere qadamon ke nishaan aavaaraa - Mumtaz Rashid

aaj bhii hain mere qadamon ke nishaan aavaaraa

terii galiyon men bhatakate the jahaan aavaaraa

tujh se kyaa bichhade to ye ho gaii apanii haalat

jaise ho jaaye havaaon men dhuaan aavaaraa

Read more...

dard kii baarish sahii maddham zaraa aahistaa chal - Mumtaz Rashid

dard kii baarish sahii maddham zaraa aahistaa chal

dil kii mittii hai abhii tak nam zaraa aahistaa chal

tere milane aur phir tere bichhad jaane ke biich

faasalaa rusvaaii kaa hai kam zaraa aahistaa chal

Read more...