mittii kii imaarat saayaa dekar mittii men hamvaar huii - Mahashar Badayuni

mittii kii imaarat saayaa dekar mittii men hamvaar huii

viiraanii se ab kaam hai aur viiraanii kis kii yaar huii

dar-dar ke qadam yuun rakhataa huun khvaabon ke saharaa men

ye reg abhii zanjiir banii ye chaanv abhii diivaar huii

Read more...

ik intazaar saa thaa ab nazar men vo bhii nahiin - Mahashar Badayuni

ik intazaar saa thaa ab nazar men vo bhii nahiin

safar men marane kii fursat thii ghar men vo bhii nahiin

zaraa malaal kii zulmat ko taalane ke liye

kaii khayaal the ab to asar men vo bhii nahiin

Read more...

kare dariyaa na pul mismaar mere - Mahashar Badayuni

kare dariyaa na pul mismaar mere

abhii kuchh log hain us paar mere

bahut din guzare ab dekh aauun ghar ko

kahenge kyaa dar-o-diivaar mere

Read more...