tere qariib rahuun yaa ki duur jaauun main - Iftikhar Imam
tere qariib rahuun yaa ki duur jaauun main
hai dil kaa ek hii aalam tujhii ko chaahuun main
main jaanataa huun vo rakhataa hai chaahaten kitanii
magar ye baat use kis tarah bataauun main
Showing posts with label Iftikhar Imam. Show all posts
Showing posts with label Iftikhar Imam. Show all posts
Monday, 7 November 2011
tuu nahiin to zindagii main aur kyaa rah jaayegaa - Iftikhar Imam
tuu nahiin to zindagii main aur kyaa rah jaayegaa
duur tak tanhaaiiyon kaa silsilaa rah jaayegaa
kiijiye kyaa guftaguu kyaa un se mil kar sochiye
dil-shikastaa Khvaahishon kaa zaayaqaa rah jaayegaa
is men koii shikavaa na shikaayat na gilaa hai - Iftikhar Imam
is men koii shikavaa na shikaayat na gilaa hai
ye bhii koii Khat hai ki mohabbat se bharaa hai
kyaa yaad dilaayenge mujhe mere sitamgar
har naqsh-e-sitam Khud mere siine pe likhaa hai
vo Khvaab thaa bikhar gayaa Khayaal thaa milaa nahiin - Iftikhar Imam
vo Khvaab thaa bikhar gayaa Khayaal thaa milaa nahiin
magar ai dil ko kyaa huaa kyon bujh gayaa pataa nahiin
har ek din udaas din tamaam shab udaasiyaan
kisii se kyaa bichhad gaye ki jaise kuchh bachaa nahiin
vo na duur hai na qariib hai - Iftikhar Imam
vo na duur hai na qariib hai
ye jo hijr hai ye nasiib hai
jo visaal thaa vo to Khvaab thaa
ye Khayaal kitanaa ajiib hai
vo nahiin milataa mujhe is kaa gilaa apanii jagah - Iftikhar Imam
vo nahiin milataa mujhe is kaa gilaa apanii jagah
us ke mere darmiyaan kaa faasalaa apanii jagah
dil ki mausam ke nikharane ke liye bechain hai
jam gaii hai un ke hothon kii ghataa apanii jagah
Subscribe to:
Posts (Atom)