kuchh is tarah se nazar se guzar gayaa koii - Hafeez Hoshiarpuri

kuchh is tarah se nazar se guzar gayaa koii

ki dil ko gam kaa sazaavaar kar gayaa koii

dil-sitam-zadaa ko jaise kuchh huaa hii nahiin

khud apane husn se yuun bekhabar gayaa koii

Read more...

terii talaash men ham jab kabhii nikalate hain - Hafeez Hoshiarpuri

terii talaash men ham jab kabhii nikalate hain

ik ajanabii kii tarah raaste badalate hain

daraaz ho gam-e-hijraan ki haasil-e-hijraan

vo hausalen hain jo aagosh-e-gam men palate hain

Read more...

aaj unhen kuchh is tarah jii khol kar dekhaa kiye - Hafeez Hoshiarpuri

aaj unhen kuchh is tarah jii khol kar dekhaa kiye

ek hii lamhe men jaise umr bhar dekhaa kiye

dil agar betaab hai dil kaa muqaddar hai yahii

jis qadar thii ham ko taufiiq-e-nazar dekhaa kiye

Read more...

kahiin dekhii hai shaayad terii suurat is se pahale bhii - Hafeez Hoshiarpuri

kahiin dekhii hai shaayad terii suurat is se pahale bhii

ki guzarii hai mere dil pe ye haalat is se pahale bhii

na jaane kitane jalve pesh-rau the tere jalvon ke

tujhii se baarahaa kii hai mohabbat is se pahale bhii

Read more...

diipak raag hai chaahat apanii kaahe sunaayen tumhen - Hafeez Hoshiarpuri

diipak raag hai chaahat apanii kaahe sunaayen tumhen

ham to sulagate hii rahate hain kyon sulagaayen tumhen

tark-e-muhabbat, tark-e-tamannaa kar chukane ke baad

ham pe ye mushkil aan padii hai kaise bulaayen tumhen

Read more...

mohabbat karanevaale kam na honge - Hafeez Hoshiarpuri

mohabbat karanevaale kam na honge

terii mahafil men lekin ham na honge

zamaane bhar ke gam yaa ik teraa gam

ye gam hogaa to kitane gam na honge

Read more...