tumhaare gam kaa mausam hai abhii tak - Anees Ansari
tumhaare gam kaa mausam hai abhii tak
lab-e-tashnaa pe shabanam hai abhii tak
safar men aabale hii aabale the
magar pairon men dam-kham hai abhii tak
tumhaare band dar mujh se khafaa hain
mere jiine kaa maatam hai abhii tak
terii aab-o-havaa raas aa gaii thii
bichhad jaane kaa kuchh gam hai abhii tak
gaii rut men huii thii fasl achchhii
idhar paaniii giraa kam hai abhii tak
main khud ko dhuundhataa phirataa huun sab men
junuun kaa ik aalam hai abhii tak
0 comments:
Post a Comment