mohabbat soz bhii hai saaz bhii hai - Arsh Malsiyani
mohabbat soz bhii hai saaz bhii hai
khaamoshii bhii hai aavaaz bhii hai
nasheman ke liye betaab taaiir
vahaan paabandii-e-paravaaz bhii hai
khaamoshii pe bharosaa karane vaalo
khaamoshii gam kaa gammaaz bhii hai
merii khaamoshi-e-dil par na jaao
ki is men ruuh kii aavaaz bhii hai
dil-e-begaanaa-khuu, duniyaa mn teraa
koii hamadam koii hamaraaz bhii hai
hai meraaj-e-khirad bhii arsh-e-aziim
junuun kaa farsh-e-paa andaaz bhii hai
0 comments:
Post a Comment