zahan pe chhaaii huii gam kii ghataa ho jaise - Krishan Adeeb
zahan pe chhaaii huii gam kii ghataa ho jaise
dard men duubii huii saarii fizaa ho jaise
ab dil-e-zaar kisii taur bahalataa hii nahiin
is kaa paimaan-e-vafaa tuut gayaa ho jaise
pursish-e-gam kii bhii rasm uthaa dii us ne
haal-e-dil sun ke vo sharmindaa huaa ho jaise
ab to har saans kii aamad pe gumaan hotaa hai
zindagii ek fasurdaa saa diyaa ho jaise
0 comments:
Post a Comment