yon lage dost teraa mujhase Khafaa ho jaanaa - Qateel Shifai
yon lage dost teraa mujhase Khafaa ho jaanaa
jis tarah phuul se Khushbuu kaa judaa ho jaanaa
ahal-e-dil se ye teraa tark-e-ta'alluq
vaqt se pahale asiiron kaa rihaa ho jaanaa
yon agar ho to jahaan men koii kaafir na rahe
mo'ajuzaa tere vaade kaa vafaa ho jaanaa
zindagii main bhii chaluungaa tere piichhe-piichhe
tuu mere dost kaa naqsh-e-kaf-e-paa ho jaanaa
jaane vo kaun sii kaifiyat-e-gamKhvaarii hai
mere piite hii "Qateel" us ko nashaa ho jaanaa
0 comments:
Post a Comment