ye aarazuu hii rahii koii aarazuu karate - Himayat Ali Shayar
ye aarazuu hii rahii koii aarazuu karate
khud apanii aag men jalate jigar lahuu karate
tere jamaal kaa paratau nigaah men hotaa
kabhii sabaa se kabhii gul se guftaguu karate
tere khayaal men gum hoke ek gazal kahate
aur us gazal ko na rusvaa kuu-ba-kuu karate
ham ahal-e-dil ko bahut thaa ye nashshaa-e-gam bhii
usii sharaab se raushan subuu-subuu karate
ye ehataraam-e-junuun hai ki sii liyaa daaman
vagarnaa ek tamaashaa-saa kuu-ba-kuu karate
hamen yaqiin hai ki gar tuu qariib bhii hotaa
to duur jaake kahiin terii justajuu karate
0 comments:
Post a Comment