ye aandhii ye tuufaan ye tez dhaare - Kaifi Azmi
piirii:
ye aandhii ye tuufaan ye tez dhaare
kadakate tamaashe garajate nazaare
andherii fazaa saans letaa samandar
na hamraah mishaal na garduun pe taare
musaafir khadaa rah abhii jii ko maare
shabaab:
usii kaa hai saahil usii ke kagaare
talaatum men phansakar jo do haath maare
andherii fazaa saans letaa samandar
yuun hii sar patakate rahenge ye dhaare
kahaan tak chalegaa kinaare-kinaare
0 comments:
Post a Comment