yaaro mujhe mu'aaf karo main nashe men huun - Hasrat Jaipuri
yaaro mujhe mu'aaf karo main nashe men huun
ab thodii duur saath chalo main nashe men huun
jo kucch hi kah rahaa huun nasha bolata hai ye
is kaa na kucch khayaal karo main nashe men huun
us maikade kii raah me gir jauun na kahiin
ab meraa haath thaam to lo main nashe men huun
mujhako to apane ghar kaa pataa yaad hii nahiin
tum mere aas paas raho main nashe men huun
kaisii guzar rahii hai muhabbat men zindagii
"hasrat" kuchh apana haal kaho main nashe men huun
0 comments:
Post a Comment