yaar ko ragbat-e-agyaar naa hone paaye - Shibali
yaar ko ragbat-e-agyaar naa hone paaye
gul-e-tar ko havaz-e-khaar naa hone paaye
baag kii sair ko jaate to ho par yaad rahe
sabzaa begaanaa hai do-chaar naa hone paaye
jamaa kar liijiye gamzon ko magar khuubii-e-bazm
bas vahiin tak hai ke baazaar naa hone paaye
aap jaate to hain is bazm men lekin "Shibli"
haal-e-dil dekhiye izhaar naa hone paaye
0 comments:
Post a Comment