vo bulaayen to kyaa tamaashaa ho - Sagar Siddiqui
vo bulaayen to kyaa tamaashaa ho
ham na jaayen to kyaa tamaashaa ho
ye kinaaron se khelane vaale
duub jaayen to kyaa tamaashaa ho
bandaaparvar jo ham pe guzarii hai
ham bataayen to kyaa tamaashaa ho
aaj ham bhii terii vafaaon par
muskuraayen to kyaa tamaashaa ho
terii suurat jo ittefaaq se ham
bhuul jaayen to kyaa tamaashaa ho
vaqt kii chand sa'aten 'Sagar'
lauT aayen to kyaa tamaashaa ho
0 comments:
Post a Comment